Christe, Cunctorum Dominator Alme

From what I have been able to discern so far, this hymn was used for the dedication of a church. More information will be posted as I come across it.

Christe, cunctorum dominator alme
Mente supremi generate Patris,
Supplicum voces pariterque carmen
Cerne benignus.

Cerne, quod templi, Deus ad decorem
Plebs tua supplex resonet per ædem,
Annuo cujus redeunt colenda
Tempore festa.

Hæc domus surgit tibi dedicata
Rite, ubi sumit populus sacratum
Corpus ex aris, bibit et beati
Sanguinis haustum.

Hic sacrosancti latices nocentum
Diluunt culpas, perimuntque noxas:
Chrismate invicto genus et creatur
Christicolarum.

Hic salus ægris, medicina fessis,
Lumen et cæcis datur: hic reatu,
Christe, nos solvis; timor atque mæror
Pellitur omnis.

Dæmonis sævi perit hic rapina:
Pervicax monstrum pavet, et retentos
Deserens artus, fugit in remotas
Ocyus auras.

Hic locus Regis vocitatur aula
Nempe coelestis, rutilansque coeli
Porta, quæ vitæ patriam petentes
Accipit omnes.

Turbo quem nullus quatit, aut vagantes
Diruunt venti; penetrantque nimbi,
Hanc domum tetris piceus tenebris
Tartarus horret.

Ergo te votis petimus sereno
Annuas vultu; famulos gubernes,
Qui tui summo celebrant amore
Gaudia templi.

Nulla nos vitæ cruciet procella:
Sint dies læti placidæque noctes
Nullus ex nobis, pereunte mundo,
Sentiat ignem.

Hæc dies, in quo tibi consecratum,
Conspicis templum, tribuat perenne
Gaudium nobis, vigeatque longo
Temporis usu.

Laus poli summum resonet Parentem
Laus, Patris Natum pariterque Sanctum
Spiritum dulci moduletur hymno
Omne per ævum. Amen.

Words: Anonymous, ca. 9th C.
Tune: Unknown.
Meter: 11.11.11.5

This hymn has been translated into English as the following:
Only Begotten, Word of God Eternal

Advertisements
Posted in Ancient & Mediaeval Hymns, Authorship Debated, Unknown, To Be Determined, Chant Tone Unknown, Dedication of A Church, Latin Hymns, Non-English Hymns | 1 Comment

Salve Festa Dies (Pascha)

Salve festa dies, toto venerabilis ævo,
Quæ Deus infernum vicit et astra tenet.
Salve, &c.

Ecce renascentis testatur gratia mundi
Omnia cum Domino dona redisse suo.
Salve, &c.

Tempora florigero rutilant distincta sereno
Et maiore poli lumine porta patet.
Salve, &c.

Altius ignivomum solem cæli orbita ducit,
Qui vagus Oceani exit et intrat aquas.
Salve, &c.

Iamque triumphanti post tristia tartara Christo
Undique fronde nemus, gramina flore favent.
Salve, &c.

Legibus inferni oppressis super astra meantem
Laudent rite Deum lux, polus, astra, fretum.
Salve, &c.

Qui crucifixus erat Deus ecce per omnia regnat,
Dantque Creatori cuncta creata preces.
Salve, &c.

Nobilitas anni, mensium decus, alme dierum,
Horarum splendor, scrupula cuncta patent.
Salve, &c.

Christe salus rerum, bone conditor atque redemptor,
Unica progenies ex Deitate patris.
Salve, &c.

Qui genus humanum cernens mersisse profundo,
Ut hominem eriperes, es quoque factus homo.
Salve, &c.

Words: St. Venantius Fortunatus (530-609).
Tune: “Salve, festa dies” Gregorian Chant, Mode IV.

This hymn has been translated into English as the following:
Hail Thee Festival Day (Easter)
Welcome Happy Morning!

Posted in Easter, Hymns By The Greats, Saints of the Church (Canonized or Beatified), St. Venantius Honorius Fortunatus, The Church Year, Uncategorized | 2 Comments

O Salutaris Fulgens Stella Maris

This hymn was used for Lauds on the Feast of the Visitation of the Blessed Virgin Mary (July 2 at that time) in the Sarum Breviary.

O Salutaris, fulgens stella maris,
Generans prolem veritatis Solem
Mater bonorum clemens famulorum
Suscipe votum,

Congratulamur, et tuas conamur
Canere laudes quæ Deo congaudes
Sed non condignis prævalemus Hymnis
Dicere totum.

Quam veterana traxit in montana
Gressu festinam rosam matutinam
Tibi iubilamus, et concelebramus
Hæc tua festa.

Vocem Rachelis exaudi de cælis,
Quæ te nunc orat filiosque plorat,
Potens Regina gratia divina
Pellens molesta;

O mediatrix, orbis reparatrix,
Laus angelorum, salus infirmorum,
Flos feminarum* hostem amimarum
Reprime sævum.

Sit benedicta Trinitas invicta
Per quam beata Virgo coronata,
Meruit frui fructu ventris sui
Nunc et in ævum. Amen.

Words: Anonymous, 15th C., from the Sarum Breviary.
Tune: Unknown.
Meter: 11.11.11.5

*The Hymnale Secundum Usum Insignis Ac Praeclarae Ecclesiae Sarisburiensis (1850) spells this word “fœminarum”.

Posted in Ancient & Mediaeval Hymns, Authorship Debated, Unknown, To Be Determined, Breviaries, Chant Tone Unknown, Latin Hymns, Major Feasts, Morning Prayer/Lauds, Non-English Hymns, Offices of the Breviary, Sarum Breviary, Subsections of Breviaries, The Blessed Virgin Mary, The Church Year, The Communion of Saints, The Liturgy of Hours/Breviary, The Liturgy of the Church, The Proper of Saints, The Visitation of the Blessed Virgin Mary (May 31) | Leave a comment

Crux Fidelis Terras Cælis

This hymn was used as the prosa for Vespers I on the Feast of the Invention (Finding) of the Holy Cross (May 3) in the Sarum Breviary.

Crux fidelis terras cælis
Miro nectens fœdere,
Nos in laude tua gaude
Devotos incedere.

Crux est thronus in quo bonus
Pastor oves redimit.
Crux fecundat*, crux emundat,
Crux hostem interimit.

Ara crucis, lampas lucis,
Vera salus hominum.
Nobis pronum fac patronum
Quem tulisti Dominum.

Salve lignum vitæ dignum
Ferre mundi pretium**.
Confer isti plebi Christi
Crucis beneficium.

Gloria Patri et Filio….
Alleluia.

Words: Braga Breviary
Tune: Unknown
Meter: 8.7.8.7

*The Hymnale Secundum Usum Insignis Ac Praeclarae Ecclesiae Sarisburiensis (1850) spells this word “fœcundat”.
**The 1531 Folio edition of the Sarum Breviary spells this word “precium”.

Posted in Ancient & Mediaeval Hymns, Authorship Debated, Unknown, To Be Determined, Breviaries, Chant Tone Unknown, Evening Prayer / Vespers, Latin Hymns, Non-English Hymns, Offices of the Breviary, Other Feast Days, Sarum Breviary, Subsections of Breviaries, The Church Year, The Invention (Finding) of the Holy Cross (May 3 (now defunct)), The Liturgy of Hours/Breviary, The Liturgy of the Church, The Proper of Saints, Uncategorized | Leave a comment

Lætabundus Exultet Fidelis Chorus

This hymn was widely used as the Sequence hymn for Christmas in the Middle Ages, and was used as such in the Sarum Missal. It was also used as the hymn for Vespers II on the Feast of the Purification of the Blessed Virgin Mary (Feb. 2) in the Sarum Breviary.

Lætabundus
Exsultet* fidelis chorus.
Alleluia.

Regem regum
Intactæ profudit thorus:
Res miranda.

Angelus consilii
Natus est de Virgine:
Sol de stella.

Sol occasum nesciens,
Stella semper rutilans,
Semper clara.

Sicut sidus radium,
Profert Virgo Filium,
Pari forma.

Neque sidus radio,
Neque Mater filio,
Fit corrupta.

Cedrus alta Libani
Conformatur hyssopo,
Valle nostra;

Verbum Ens Altissimi
Corporari passum est,
Carne sumpta.

Isaias** cecinit,
Synagoga meminit,
Numquam tamen desinit
Esse cæca.

Si non suis vatibus,
Credat vel gentilibus;
Sibyllinis*** versibus
Hæc prædicta.

Infelix, propera,
Crede vel vetera:
Cur damnaberis,
Gens misera?

Quem docet littera,
Natum considera:
Ipsum genuit puerpera.
Alleluia.**** Amen.

Words: Attr. St. Bernard of Clairvaux, 12th C.
Tune:Lætabundus” Gregorian chant, Mode VI.
Meter: Irreg.

*Also spelled exultet
**Sarum Breviary spells Esaias/Esayas
***Spelling varies in sources between what is shown and “Sybillinis” or “Sibillinis”
****Sarum Breviary omits this Alleluia

Posted in Ancient & Mediaeval Hymns, Breviaries, Christmas, Evening Prayer / Vespers, Hymns By The Greats, Latin Hymns, Major Feasts, Missals, Non-English Hymns, Offices of the Breviary, Pre-Tridentine Sequences, Saints of the Church (Canonized or Beatified), Sarum Breviary, Sequences, Sequences from the Sarum Missal, St. Bernard of Clairvaux, Subsections of Breviaries, The Blessed Virgin Mary, The Church Year, The Communion of Saints, The Liturgy of Hours/Breviary, The Liturgy of the Church, The Presentation of the BVM in the Temple (Nov. 21), The Proper of Saints | Leave a comment

Quod Chorus Vatum Venerandus Olim

This hymn was used for Vespers I on the Feast of the Purification of the Blessed Virgin Mary in the Sarum Breviary.

Quod chorus vatum venerandus olim,
Spiritu Sancto cecinit repletus,
In Dei factum genitrice constat
Esse Maria.

Hæc Deum cæli Dominumque terræ
Virgo concepit peperitque virgo,
Atque post partum meruit manere
Inviolata.

Quem senex Iustus Simeon* in ulnis
In domo sumpsit Domini, gavisus:
Ob quod optatum meruit videre
Lumine Christum.

Tu libens votis, petimus, precantum
Regis æterni genitrix, faveto,
Clara quæ cæli renitens Olympi
Regna petisti.

Sit Deo nostro decus et potestas,
Sit salus perpes, sit honor perennis,
**Qui poli summa residet in arce,
Trinus et Unus. Amen.

Words: Attr. Rabanus Marus, 9th C.
Tune: “Melody 56” Sarum chant melody, Mode II.
Meter:

Here is a video of this hymn being chanted at St. Peter’s Basilica with Pope Benedict XVI.

*The Sarum Breviary spells this name Symeon.
**This line is rendered thus in the Hymnale Secundum Usum Insignis Ac Praeclarae Ecclesiae Sarisburiensis (1850):
“Qui summa cæli residet in arce”

Posted in Ancient & Mediaeval Hymns, Breviaries, Evening Prayer / Vespers, Hymns By The Greats, Latin Hymns, Major Feasts, Non-English Hymns, Offices of the Breviary, Rabanus Maurus, Sarum Breviary, Subsections of Breviaries, The Blessed Virgin Mary, The Church Year, The Communion of Saints, The Liturgy of Hours/Breviary, The Liturgy of the Church, The Proper of Saints, The Purification of the Blessed Virgin Mary (Feb. 2) | Leave a comment

Christi Miles Gloriosus

This hymn was used for Lauds on the feast of St. Vincent of Saragossa (Jan. 22) in the Sarum Breviary.

Christi miles Gloriosus
Levita Vincentius,
Ut tribunal sponte rogum
Conscendit intrepidus,
Cuius salis crepitantis
Per corpus minutiæ

Sparsim ibant, atque prunæ
Vernabantur sanguine;
Inter hæc manet immotus
Ille Dei famulus,
Orans Christum in sublime
Erectis luminibus.

Gloria et honor Deo
Usquequo Altissimo,
Una Patri Filioque
Inclito Paraclito,
Cui laus est et potestas
Per æterna sæcula. Amen.

Words: Anonymous, ca. 15th C.
Tune: Unknown.
Meter: 8.7.8.7.8.7

Posted in Ancient & Mediaeval Hymns, Authorship Debated, Unknown, To Be Determined, Breviaries, Chant Tone Unknown, Latin Hymns, Morning Prayer/Lauds, Non-English Hymns, Offices of the Breviary, Other Feast Days, Sarum Breviary, St. Vincent of Saragossa (Jan. 22), Subsections of Breviaries, The Church Year, The Communion of Saints, The Liturgy of Hours/Breviary, The Liturgy of the Church, The Proper of Saints | Leave a comment