Clange Lyram Zacharias

This hymn is used for Lauds for the Feast of the Nativity of St. John the Baptist (June 24) in the Mozarabic Breviary.

Clange lyram Zacharias
Sacerdotum Princeps,
Cui copulata coniunx
Ab Aaron filiabus
Thalamorum inhærebat
Solita prænuntiis.

Operibus Sanctiores : · · · ·
Præpollebant ceteris;
Ac sinceris(1) in mandatis
Incedebant Domini,
Et, nulla prole conlata,
Pergebant ad senium.

Mox enim hora refulsit
Incensorum tempore,
Suetum gestabat vates
Ignem in thuribulis
Sacris deferens odorem
Nectareum atriis.

Audit cælitus affatum,
Et sonorum Nuncium,
Cuius candore præviso,
Tremor vatem inruit,
Quem blandis robustiorem
Reddidit sermonibus.

Ecce iuncta thorum tibi
Coniunx parit sobolem;
Quam protinus nuncupabis
IOANNEM vocabulo:
Cuius totum prædicatur
Per Orbem Nativitas.

Hic coram Domino Magnus
Matris infra uterum
Repletus Spiritu Sancto,
Præcursurus Dominum;
In virtute, spirituque
Præmissurus Heliæ.

Talia, Sacer; e contra
Sic respondit Angelo:
Ecce iam nostra sub annis
Emarcuerunt viscera:
Ac vetulis denegatur
Sensibus posteritas.

Ego sum missus ab Astris
Angelorum socius;
Et tu Divinis videris
Præceptis incredulus,
Propter quod carens loquela
Eris tacens labiis.

Temporibus iam completis,
Natus infans cernitur,
Cuius nomen prænotavit
Pater in volumine;
Vinculo soluto linguæ
Conlaudavit Dominum.

Gloria, et honor Deo
Usquequaque altissimo,
Una Patri, Filioque,
Inclito Paraclito;
Cui laus, et potestas
Per æterna sæcula. Amen.

Words: Mozarabic Breviary.
Tune: Chant tone unknown.
Meter: 8.7.8.7.8.7

(1) the text of the Breviary spelled this word “synceris.” I have corrected it to the standard spelling here.

Advertisements
Posted in Ancient & Mediaeval Hymns, Authorship Debated, Unknown, To Be Determined, Breviaries, Chant Tone Unknown, Latin Hymns, Major Feasts, Morning Prayer/Lauds, Mozarabic Breviary, Nativity of St. John the Baptist (June 24), Non-English Hymns, Offices of the Breviary, Saint John The Baptist, Subsections of Breviaries, The Church Year, The Communion of Saints, The Liturgy of Hours/Breviary, The Liturgy of the Church, The Proper of Saints | Tagged , , , , , , , , , , , , , | Leave a comment

Puer Hic Sonat Ioannes

This hymn is used for Vespers II for the Feast of the Nativity of St. John the Baptist (June 24) in the Mozarabic Breviary.

Puer hic sonat Ioannes,
Geniti Dei alumnus,
Domini potens amicus,
Rutilis lucerna orbis,
Rutilo peracto Sole,

Sapientia loquelæ,
Deitatis aptus Index,
Vetulæ refusus alvo,
Uteri senilis ortus,
Patrio decore clarus.

Precibus fave, rogamus,
Pietas redundet alma,
Miseris adesto nobis,
Repleat salus labentes,
Facinus remitte cunctis.

Patriam regat modestus,
Acies recedat, ensis
Perimens ruat, prementem
Gladium retundat ignis,
Iugulum reclinet hostis.

Sit honor Deo, et Uni-
Genito ab ore Patris;
Sit Paraclito perenni
Similis tenax potestas,
Et apex honoris alti. Amen.

Words: Mozarabic Breviary.
Tune: Chant tone unknown.
Meter: 8.8.8.8.8

Posted in Ancient & Mediaeval Hymns, Authorship Debated, Unknown, To Be Determined, Breviaries, Chant Tone Unknown, Evening Prayer / Vespers, Latin Hymns, Major Feasts, Mozarabic Breviary, Nativity of St. John the Baptist (June 24), Non-English Hymns, Offices of the Breviary, Saint John The Baptist, Subsections of Breviaries, The Church Year, The Communion of Saints, The Liturgy of Hours/Breviary, The Liturgy of the Church, The Proper of Saints | Tagged , , , , , , , , , , , , , | Leave a comment

Nativitatem Pueri

This hymn is used for Vespers I for the Feast of the Nativity of St. John the Baptist (June 24) in the Mozarabic Breviary.

Nativitatem Pueri,
Prophetamque Altissimi
Esse dicit, quem merito
Corde canamus, et ore.

Vetulisque Parentibus,
Alvo conceptus sterili,
Extrema Mundi tempora,
Partum præcessit Virginis.

Ut vox clamans in invio,
Adnuncians Iustitiam,
Christi clarus præconio
Viam pararet cordibus.

Intra materni corporis
Adhuc locatus viscera,
Accepto sensit spiritu,
Mundi salutans Dominum.

Exultat Infans gaudio,
Et lucem lucis Filium
Intra naturæ tenebras
Nec dum progressus indicat.

Mater: Propheta nuntiat,
Te esse plenam gratia;
Non ex virili commercio,
Sed Dei fœtam mysterio.

Ac sic in diem sæculi
Verbum ructandum fit Dei;
Facta Mater hæc sterilis,
Fructum præsagit Virginis,

Matre maiorem Filium,
Sanctum Ministrum Baptismi:
Sic se priorem post natum,
Lumen perfudit Dominum.

Deum Patrem cum Filio,
Simul cum Sancto Spiritu,
Unum potentem nomine
Fusis oremus precibus. Amen.

Words: Mozarabic Breviary.
Tune: Chant tone unknown.
Meter: 8.8.8.8

Posted in Ancient & Mediaeval Hymns, Authorship Debated, Unknown, To Be Determined, Breviaries, Chant Tone Unknown, Evening Prayer / Vespers, Latin Hymns, Major Feasts, Mozarabic Breviary, Nativity of St. John the Baptist (June 24), Non-English Hymns, Offices of the Breviary, Saint John The Baptist, Subsections of Breviaries, The Church Year, The Communion of Saints, The Liturgy of Hours/Breviary, The Liturgy of the Church, The Proper of Saints | Tagged , , , , , , , , , , , , , | Leave a comment

Hierusalem Gloriosa

This hymn is used for Vespers & Lauds for the Feast of Saints Adrian and Natalia, martyrs (June 17 in the Mozarabic Use) in the Mozarabic Breviary.

Hierusalem gloriosa,
Mater una Martyrum,
Sors beata post labores,
Ius pium post turbines,
Quæ tuorum læta cursu
Promptior adtolleris;

Terge luctum, sume plausum,
Pande portum civibus:
Excipe quos sustinebas
Post triumphos lætior,
In quibus victrix resultas,
Da decus victoriæ.

Adrianus cum beata
Coniuge Natalia,
Ferculum duplex amoris,
Unio charismatis,
Munus igneum, pignus almum,
Cælibe connubium:

Hoc die tibi dicantes
Vota conscientiæ,
Cursibus ad te recurrunt:
Hinc ovantes invicem,
Dant Deo dona vicissim
Coniugalis gratiæ.

Enitet ille supremo
Passionis stigmate;
Hæc piæ compassionis
Destinato munere:
Cursus est diversus illis,
Sors, et una gloria.

Hic viris pro spe superna
Conligatis miscitur;
Adnotari cum Beatis
Semper optat illico:
Hincque vaccis inligatur,
Huicque rursus traditur.

Uxor hunc visura surgens
Percitis congressibus,
Carceres adit remotos,
Castra cernit Martyrum;
Osculat vincla beata,
Fert viro constantiam.

Suadit utpote Palæstræ
Vim sacræ certaminis;
Suadit hinc promissa cæli,
Suadit et plus perpetim
Voce, voto et impetrato,
Muneris instantia.

Liber huius evocatu
Vinculis carnalibus
Cæditur, exenteratur,
Nexibus distenditur;
Et pedum compage truncus
Corpore dissolvitur.

Chara huius in supremis
Mota coniux osculis,
Surge, dixit, pone dextram,
Quam recisam conjugi
Des mihi pignus amoris,
Des stipem dulcedinis.

His manum libens tetendit,
Quam recisit carnifex:
Nec mora mox inter ipsa
Enecatus vulnera,
Coniugem dote secunda
Sanguinis hereditat;

Quæ sacri laboris usum
Prorogans certantibus,
Quicquid est pœnale, substat
Molle tritum debile:
Præmonet, iubet, fovetque
Provocatrix gloriæ.

Cerneres virile robur
Fervidis conatibus,
Artubus fessis mederi,
Conligare vulnerum
Inditis plagas fomentis,
Vel medelis congruis

Serviens manu, vel ore
Martyrum discrimini,
Fert eis consulta pacis,
Fert cibum solaminis;
Obsequens effecta cunctis,
Plectitur in singulis;

Quæ tamen viri corona
Per triumphos reddita,
Dum suum corpus piorum
Inlinit cruoribus,
Nil minus perfert ab illis,
In quibus hæc vicerit.

O sacrum vere honestum.
Vinculum connubii!
O novus cursus laborum
Iunctionis unicæ!
Ambo currunt, ambo vincunt;
Est utrisque gloria.

Hæc tua, Custos Superne,
Munerum diversitas,
Pertrahas, signes ad illam
Laureandos Patriam,
Qua tibi laudes Beati,
Post agones insonant.

Clarus ille hic coruscat
Michaël Archangelus,
Utpote Deus patrandis
Eminens virtutibus:
Dat locum nomen vigoris
De favore muneris.

Huius ergo imprecatu,
Vel tuorum Martyrum,
Ferto nobis hanc medelam,
Qua reatum diluas,
Criminum nodos resolve,
Da fomentum gratiæ;

Quo tremenda iudicantis
Cum dies inluxerit,
Festa, quorum prædicamus,
Misceamur gaudiis;
Et quibus non est corona,
Sit fides ad gloriam.

Laus tibi per omne tempus
Trinitas indifferens,
Laus, honor, virtusque summa,
Singularis gloria;
Quæ Dominum te sæculorum,
Personet in sæcula. Amen.

Words: Mozarabic Breviary.
Tune: Chant tone unknown.
Meter: 8.7.8.7.8.7

Posted in Ancient & Mediaeval Hymns, Authorship Debated, Unknown, To Be Determined, Breviaries, Chant Tone Unknown, Evening Prayer / Vespers, Latin Hymns, Morning Prayer/Lauds, Mozarabic Breviary, Non-English Hymns, Offices of the Breviary, Other Feast Days, Sts. Adrian & Natalia (Sept. 8 (June 17 Moz.)), Subsections of Breviaries, The Church Year, The Communion of Saints, The Holy Martyrs, The Liturgy of Hours/Breviary, The Liturgy of the Church, The Proper of Saints | Tagged , , , , , , , , , , , , , , | Leave a comment

Grates Tibi Iesu Novas

This hymn is used for Vespers & Lauds for the Feast of Saints Gervase and Protase, Martyrs (June 19) in the Mozarabic Breviary.

Grates tibi Iesu novas,
Novo reperto munere,
Protasio et Gervasio
Martyribus inventis, cano.

Piæ latebant hostiæ,
Sed non latebant; nam Sacer
Latere sanguis non potest,
Qui clamat ad Deum Patrem.

Cælo refulgens gratia
Artus revelavit sacros:
Nequimus esse martyres,
Sed reperimus martyres.

His qui requirat testium
Voces, ubi facta est fides;
Sanatur impos mentis,
Ope fatetur martyres;

Cæcus recepto lumine,
Mortisque sacræ meritum probat:
Severus est nomen viri;
Visus ministri publici.

Ut martyris vestem adtigit,
Et ora tersit nubila,
Lumen refulget illico,
Fugitque pulsa cæcitas.

Soluta turba vinculis,
Spiris draconis libera,
Emissa totis urbibus
Domum redit cum gaudio.

Vetusta sæcla vidimus,
Iactataque dæmonia,
Tactaque et umbra corporum
Ægris salutem redditam.

Deo Patri sit gloria,
Eiusque soli Filio,
Sancto simul Paraclito,
In sempiterna sæcula. Amen.

Words: attr. St. Ambrose, 4th C.
Tune: “Grates Tibi Iesu Novas” Gregorian Chant.
Meter: 8.8.8.8

Posted in Ancient & Mediaeval Hymns, Breviaries, Evening Prayer / Vespers, Hymns By The Greats, Latin Hymns, Morning Prayer/Lauds, Mozarabic Breviary, Non-English Hymns, Offices of the Breviary, Other Feast Days, Saints of the Church (Canonized or Beatified), St. Ambrose, Sts. Gervase & Protase (June 19), Subsections of Breviaries, The Church Year, The Communion of Saints, The Holy Martyrs, The Liturgy of Hours/Breviary, The Liturgy of the Church, The Proper of Saints | Tagged , , , , , , , , , , , , , , | Leave a comment

Urbis Romuleæ Iam Toga Candida

This hymn is used for Vespers & Lauds for the Feast of Saint Torquatus and His Companions, Bishops (May 1) in the Mozarabic Breviary.

Urbis Romuleæ iam toga candida
Septem Pontificum destina promicat,
Missos Hesperiæ, quos ab Apostolis
Adsignat fidei prisca relatio.

Hi sunt perspicui luminis indices
Torquatus, Tesiphons, atque Hesychius;
Hinc Indaletius, sive Secundus est,
Juncti Euphrasio, Cæcilioque sunt.

Hi evangelico lampade præditi
Lustrant Occiduæ partis arentia;
Quo sic catholicis ignibus ardeant,
Ut cedant facibus furna nocentia.

Accis continuo proxima fit Viris
Bis senis stadiis, qua procul insident:
Mittunt adseclas escula quærere,
Quo fessa dapibus membra reficerent.

Illic discipuli Idola Gentium
Vanis inspiciunt ritibus excoli:
Quos dum sic agere fletibus immorant,
Terrentur potius ausibus impiis.

Mox insana fremens turba satellitum,
In his cum fidei stigmata nosceret,
Ad pontem fluvii usque per ardua
Incursu celeri hos agit in fugam.

Sed pons prævalido murice fortior
In partes subito pronus resolvitur,
Iustos ex manibus hostium eruens,
Hostes flumineo gurgite subruens.

Hæc prima fidei est via plebium,
Inter quos mulier san&ta Luparia
Sanctos adgrediens cernit, et obsecrat,
Sanctorum monita pectore conlocans.

Tunc Christi famula obsequio parens
Sanctorum statuit condere fabricam, .
Quo Baptisterii unda patesceret,
Et culpas omnium gratia tergeret.

Illic Sancta Dei femina tinguitur,
Et vitæ lavacro tincta renascitur:
Plebs hic continuo pervolat ad fidem,
Et fit catholico dogmate multiplex.

Post hæc Pontificum chara sodalitas
Partitur properans septem in urbibus,
Ut divisa locis dogmata funderent,
Et sparsis populos ignibus urerent.

Per hos Hesperiæ finibus indita
Inluxit fidei gratia præcocax:
In signis variis, atque potentia
Virtutum, homines credere provocant.

Ex hinc iustitiæ fructibus incliti
Vitam multiplici fœnore terminant,
Consepti tumulis, urbibus in suis:
Sic sparso cinere, una corona est.

Hinc te turba potens unica septies
Oratu petimus pectoris abdita;
Ut vestris precibus, sidus in ætheris
Portemur socii civibus Angelis.

Sit trino Domino gloria unico,
Patri cum Genito, atque Paraclito;
Qui solus Dominus Trinus et Unus est,
Sæclorum valide sæcula continens. Amen.

Words: Mozarabic Breviary.
Tune: Chant tone unknown.
Meter: 12.12.12.12

Posted in Ancient & Mediaeval Hymns, Authorship Debated, Unknown, To Be Determined, Bishops, Breviaries, Chant Tone Unknown, Evening Prayer / Vespers, Latin Hymns, Morning Prayer/Lauds, Mozarabic Breviary, Non-English Hymns, Offices of the Breviary, Other Feast Days, St. Torquatus and His Companions (May 1), Subsections of Breviaries, The Church Year, The Communion of Saints, The Liturgy of Hours/Breviary, The Liturgy of the Church, The Proper of Saints | Tagged , , , , , , , , , , , , , , | Leave a comment

Hic Duorum Chara Fratrum

This hymn is used for Matins for the Feast of Saints Hemeterius and Celedonius, Martyrs (March 3) in the Mozarabic Breviary.

Hic duorum chara fratrum,
Concalescunt pectora;
Fida, quos per omne tempus
Iunxerat sodalitas:
Stant parati ferre, quicquid
Sors tulisset ultima:

Seu foret præbenda cervix
Ad bipennem publicam:
Verberum post vim crepantum,
Post catastas igneas:
Sive pardis offerendum
Pectus, aut leonibus.

Nosne Christo procreati
Mammonæ dicabimur?
Et Dei formam gerentes
Serviemus sæculo?
Absit, ut cælestis ignis
Se tenebris misceat:

Sit satis, quod capta primo
Vita sub chirographo,
Debitum persolvit omne
Functa rebus Cæsaris:
Tempus est Deo rependi
Quicquid est proprium Dei.

Ite signorum magistri,
Et vos tribuni adsistite,
Aureos offerte torques
Sauciorum præmia:
Clara vox hic Angelorum
Vocat stipendia;

Christus illic candidatis
Præsidet cohortibus,
Et throno regnans ab alto,
Damnat infames deos:
Quæque deridenda nobis
Monstra divos fingitis.

Hæc loquentes obruuntur
Mille pœnis Martyres:
Nexibus manus utrasque
Flexus involvit rigor:
Et calybs adtrita colla
Duriter ambit circulis

O vetustatis silentis
Obsoleta oblivio!
Invidentur ista nobis,
Fama et ipsa extinguitur,
Chartulas blasphemus olim
Nam satelles abstulit;

Ne tenacibus libellis
Erudita sæcula
Ordinem, tempus, modumque
Passionis proditum,
Dulcibus linguis per aures
Posterorum spargerent:

Hoc tamen solum vetusta
Subtrahunt silentia,
Iugibus longum catenis
Ad capillum tracti,
Quo viros dolore tortor
Quave pompa ornaverit.

Illa laus occulta non est,
Nec senescit tempore:
Missa quod sursum per auras
Evolarunt munera,
Quæ viam patere cæli
Præmicando ostenderent,

Illius fidem figurans
Nube fertur anulus:
Hic sui dat pignus oris,
Ut ferunt, orarium;
Quæ superno rapta flatu
Lucis intrant intimum.

Per poli liquentis axem
Fulgor auri absconditur;
Ac diu visum sequacem
Textilis candor fugit;
Subvehuntur usque in astra,
Nec videntur amplius:

Vidit hoc conventus adstans,
Ipse vidit carnifex,
Et manum repressit hærens,
Ac stupore obpalluit;
Sed tamen peregit ictum,
Ne periret gloria.

Iam ne credis, bruta quondam
Vasconum gentilitas,
Quam sacrum crudelis heroum
Immolarit sanguinem?
Credis in Deum relatum
Hostiarum spiritum?

Cerne quam palam feroces
Hic domantur dæmones,
Qui lupino capta ritu
Deformant præcordia;
Strangulant mentes et ipsas,
Seque miscent sensibus.

Tunc suo iam plenus hoste,
Sistitur furens homo,
Spumans, efflans salivas,
Cruda torquens lumina;
Expiandus quæstione
Non suorum criminum.

Audiens hæc tortor adest,
Eiulatu flebili:
Scinditur per flagra corpus,
Nec flagellum cernitur;
Crescit et suspensus ipse
Vinculis latentibus est.

His modis spurcum latronem
Martyrum virtus quatit,
Hæc coercet , torquet, urit,
Hæc catenas incutit
Prædo vexatus relictis
E medullis exilit:

Linquit inlæsam rapinam,
Faucibus siccis fugit,
Ungue ab imo usque ad capillum
Salva reddit omnia,
Confitens ardere sese,
Nec gehennæ est incola.

Quid loquar, purgata longis
Alba morbis corpora?
Algidus cum decoloros
Horror artus concutit;
Hinc tumor vultum relinquit,
Hinc color verus rcdit.

Hoc bonum Salvator ipse,
Quo fruamur, præstitit,
Martyrum quod membra
Nostro consecravit oppido:
Sospitantque nunc Colonos
Quos Iberus alluit.

State nunc invictæ matres
Pro receptis parvulis,
Coniugum salute læta
Vox maritarum strepet:
Sit dies hæc festa nobis,
Sit sacrata gaudiis.

Gloria Patri, Natoque,
Semper et Paraclito
Laus, potestas, atque virtus,
Gratiarum copiaque;
Deum cuncta fatentur
Sæculorum sæcula. Amen.

Words: Aurelius Clemens Prudentius, 5th C.
Tune: Chant tone unknown.
Meter: 8.7.8.7.8.7

Posted in Ancient & Mediaeval Hymns, Aurelius Clemens Prudentius, Breviaries, Chant Tone Unknown, Hymns By The Greats, Latin Hymns, Matins/Office of Readings, Mozarabic Breviary, Non-English Hymns, Offices of the Breviary, Other Feast Days, Sts. Hemeterius & Celedonius (Mar. 3), Subsections of Breviaries, The Church Year, The Communion of Saints, The Holy Martyrs, The Liturgy of Hours/Breviary, The Liturgy of the Church, The Proper of Saints | Tagged , , , , , , , , , , , , , | Leave a comment