This hymn was used as the hymn for Lauds in the Common for Multiple Martyrs in the Paris Breviary (1736).
Quam, Christe, signasti viam
Primus, profuso sanguine,
Per hanc tui te fortiter
Ducem sequuntur milites.
Fossus manus, fossus pedes,
Ovans ad astra transvolas;
Et membra trunci Martyres
Addunt triumpho se tuo.
Omnes in ostro splendidi
Tuum tribunal ambiunt:
Accepta monstrant vulnera,
Et per tot ora supplicant.
Audire si nos respuis,
Quos criminum moles gravat;
Audi tuos, qui sanguinem
Fudere pro te, Martyres.
Fac, si tyrannus deficit,
Ne blandiendo mollius
Frangat voluptas pectora,
Ipsis tyrannis sævior.
Æterne tu Verbi Pater,
Æterne Fili, par Patri
Et par utrique, Spiritus,
Tibi, Deus, sit gloria. Amen.
Words: Fr. Jean-Baptiste Santeul, 17th C.
Tune: Unknown.
Meter: 88.88
