Si Quid Virginitas Et Bene Prodigum

This hymn was used as the hymn for Nocturns & Vespers II on the Feast of St. Ursula and Her Companions (October 21) in the Paris Breviary (1736 Edition).

Si quid Virginitas, et bene prodigum
Vitæ martyrium vos movet; Ursulam
Clara voce ducem dicite virginum,
Matrem dicite martyrum.

Subductæ patriis cladibus, hinc fugam
Tentabant pelago, cum subitus ratem
Turbo disiiciens, versus inhospita
Rheni reppulit ostia.

Prædæ certus adest, ac vetita face,
Obscœnus Scythiæ miles inæstuat;
Et de classe sibi barbarus unica
Promittit spolium duplex.

Captivus ne decor, vel dominos tremens
Ullo vim redimet munere castitas?
Ni divinus amor, doctaque vincere
Mundum, subveniat fides.

Turpes blanditias horret amantium,
Contemnit furias, tela minantium;
Vincit morte sua, flagitio cohors
Vitam quærere nescia.

O fortes animas, quæ nece libera
Invenere malis omnibus exitum,
Et captæ veluti, cassibus aucupum
Fractis, effugiunt aves!

Sit rerum Domino summus honor Patri:
Sit par unigeno gloria Filio:
Æternoque sacrum Spiritui melos
Tellus astraque concinant. Amen.

Words: Fr. Jean Commire, S.J., (1625-1702).
Tune: Unknown
Meter: 12.12.12.8

Posted in Breviaries, Chant Tone Unknown, Evening Prayer / Vespers, Holy Virgins, Latin Hymns, Matins/Office of Readings, Non-English Hymns, Offices of the Breviary, Other Feast Days, Paris Breviary, St. Ursula and Her Companions (Oct. 21), Subsections of Breviaries, The Church Year, The Communion of Saints, The Holy Martyrs, The Liturgy of Hours/Breviary, The Liturgy of the Church, The Proper of Saints | Leave a comment

Quæ Turma Nuptialibus

This hymn was used as the hymn for Vespers I on the Feast of St. Ursula and Her Companions (October 21) in the Paris Breviary (1736 Edition).

Quæ turma nuptialibus
Permulcet aures canticis,
Testes pudoris integri
Cum liliis ferens rosas?

Agnosco sponsas Virgines,
Quæ, si sua negabitur
Augere prole Galliam,
Cælum replebunt civibus.

Ut luna flammas siderum
Inter minores emicat,
Sodalibus sic Ursula
Cunctis præit præstantior.

Exosa mortales thoros,
Tot illa sponso Virgini
Sponsas dicavit virgines,
Mox et futuras martyres.

Felix nimis connubium,
Quod veritate nectitur!
Æterna sunt hæc fœdera:
Hæc nulla dissolvet dies.

Qui debilem turbam, Deus,
Flammis calere das novis,
Fac nostra puris ignibus
Ardere pro te Pectora. Amen.

Words: Fr. Jean Commire, S.J., (1625-1702).
Tune: Unknown
Meter: 88.88

Posted in Breviaries, Chant Tone Unknown, Evening Prayer / Vespers, Holy Virgins, Latin Hymns, Non-English Hymns, Offices of the Breviary, Other Feast Days, Paris Breviary, St. Ursula and Her Companions (Oct. 21), Subsections of Breviaries, The Church Year, The Communion of Saints, The Holy Martyrs, The Liturgy of Hours/Breviary, The Liturgy of the Church, The Proper of Saints | Leave a comment

Ad Sanctos Cineres Pignora Martyrum

This hymn was used as the hymn for Lauds on the Feast of Sts. Denis, Rusticus and Eleutherius (October 9) in the Paris Breviary (1736 Edition).

Ad sanctos cineres (pignora martyrum
Sunt hæc plena Deo) currite, civitas:
Hic cunæ fidei, funeris in sinu
Vitam plenius hausimus.

Hic, dum iusta parant prælia Principes
Flexis poplitibus præsidium petunt:
Vestros ante pedes regia supplices
Deponunt diademata.

Quos sensere bonos rebus in arduis
Viventes, etiam post sua funera
Iungi martyribus, dum veniat dies
Terris ultimus, ambiunt.

Hic quot prodigiis se Deus asserit!
Hic surdi patulis auribus audiunt:
Cæcis hic sua lux redditur, et suus
Contractis vigor artubus.

Patri maxima laus: maxima Filio;
Amborumque sacro maxima Flamini,
Cui se rite litans, funere splendido
Triplex consecrat hostia. Amen. Amen.

Words: Fr. Jean-Baptiste de Santeul, 17th C.
Tune: Unknown
Meter: 12.12.12.8

Here is the original text of this hymn from Fr. de Santeul’s Hymni Sacri et Novi of 1689:

Ad sanctos cineres currite, civitas,
Sunt hæc plena Deo pignora Martyrum.
Hic cunæ fidei, funeris in sinu
Vitam plenius hausimus.

Hic, dum iusta petunt* prælia principes
Flexis poplitibus præsidium petunt;
Vestros ante pedes regia supplices
Deponunt diademata.

Quos sensere bonos rebus in arduis
Viventes, etiam post sua funera
Iungi Martyribus, dum veniat dies
Terris ultimus, ambiunt.

Hic quot prodigiis se Deus asserit!
Hic surdi patulis auribus audiunt:
Cæcis et sua lux redditur, et suus
Contractis vigor artubus.

*In the primary source text used, this word had been crossed out and the word “parant” written above it.

Posted in Breviaries, Chant Tone Unknown, Hymns By The Greats, Jean-Baptiste de Santeul, Latin Hymns, Morning Prayer/Lauds, Non-English Hymns, Offices of the Breviary, Other Feast Days, Paris Breviary, Sts. Denis, Rusticus & Eleutherius (Oct. 9), Subsections of Breviaries, The Church Year, The Communion of Saints, The Holy Martyrs, The Liturgy of Hours/Breviary, The Liturgy of the Church, The Proper of Saints | Leave a comment

Lux de Luce Deus Fons Quoque Luminum

This hymn was used as the hymn for Nocturns & Vespers II on the Feast of Sts. Denis, Rusticus and Eleutherius (October 9) in the Paris Breviary (1736 Edition).

Lux de luce Deus, fons quoque luminum,
Quo stat perpetuus cælitibus dies;
Tristem sub misera nocte Lutetiam
Quanto lumine recreas!

Huc, de sede Petri fervidus advolat;
Aras, fana, deos, funditus eruit,
Et Christum resonans dedocet impios
Dux verbi Dionysius.

Addunt se comites, et rudibus pia
Committunt fidei semina mentibus.
Sacris barbara gens, iam docilis Deo,
Christum fontibus induit.

Crescit sancta fides, fit nova civitas:
Hinc sævit rabies in tenerum gregem:
Intentos operi, nec timidos mori
Pastores furor impetit.

Aptantur gladii, verbera, compedes,
Illi supplicium delicias putant,
Subdunt se gladiis, tres simul occidunt,
Tres cælo simiri advolant.

Patri maxima laus: maxima Filio;
Amborumque sacro maxima Flamini,
Cui se rite litans, funere splendido
Triplex consecrat hostia. Amen.

Words: Fr. Jean-Baptiste de Santeul, 17th C.
Tune: Unknown
Meter: 12.12.12.8

Here is the original text of this hymn from Fr. de Santeul’s Hymni Sacri et Novi of 1689:

Lux de luce Deus, fons quoque luminum,
Quo stat perpetuus cælitibus dies;
Tristem sub misera nocte Lutetiam
Quanto lumine recreas!

Huc, de sede Petri fervidus advolat;
Aras, Fana, Deos, funditus eruit,
Et Christum resonans dedocet impios
Dux verbi Dionysius.

Addunt se comites, et rudibus pia
Committunt fidei semina mentibus.
Sacris barbara gens, iam docilis regi,
Christum fontibus induit.

Crescit sancta Fides, fit nova civitas;
Hinc sævit rabies in tenerum gregem;
Intentos operi, nec timidos mori,
Pastores furor impetit.

Aptantur gladii, verbera, compedes,
Illi supplicium delicias putant,
Subdunt se gladiis, tres simul occidunt,
Tres cælo simiri advolant.

Posted in Breviaries, Chant Tone Unknown, Evening Prayer / Vespers, Hymns By The Greats, Jean-Baptiste de Santeul, Latin Hymns, Matins/Office of Readings, Non-English Hymns, Offices of the Breviary, Other Feast Days, Paris Breviary, Sts. Denis, Rusticus & Eleutherius (Oct. 9), Subsections of Breviaries, The Church Year, The Communion of Saints, The Holy Martyrs, The Liturgy of Hours/Breviary, The Liturgy of the Church, The Proper of Saints | Leave a comment

Iam Christe Nomen Gallica Plebs Tuum

This hymn was used as the hymn for Vespers I on the Feast of Sts. Denis, Rusticus and Eleutherius (October 9) in the Paris Breviary (1736 Edition).

Iam, Christe, nomen Gallica plebs tuum
Audivit; ingens pendet opus tamen:
Compele* clemens universam
Sponte sequi tua signa gentem.

Sacer Pothini fumat adhuc cruor,
Mœretque vastas destitui suo
Cultore messes: mitte tanto,
Christe, pares operi ministros.

Audis. Verendi, dum loquimur, senes
Venere septem: dux Dionysius
Examen anteit; quaque præstet
Ire, legunt sibi quisque terras.

Sed qua nefandos comperit acrius
Fervere cultus, huc rapidus volat,
Impressa carni præliorum
Clara ferens veterum trophæa.

Hinc quanta posthac Christiadum seges
Exurget! Ergo pastor, Apostolus
Ames vocari Galliarum,
Sancte Senex, columenque regni.

Qui nos ab alto nunc quoque parturis,
Fovere prolem perge tuam, Pater:
Ut corde spirantem sub imo
Exhibeat pia vita Christum.

Laus summa Patri, summaque Fìlio;
Sanctoque compar laus tibi, Spiritus,
Per quem rebelles veritati
Subdere amant fera colla gentes. Amen.

*This word is spelled “Compelle” in Fr. Coffin’s original text in Hymni Sacri (1736).

Words: Fr. Charles Coffin, 1736.
Tune: Unknown
Meter: 11.11.9.10

Posted in Breviaries, Chant Tone Unknown, Charles Coffin, Evening Prayer / Vespers, Hymns By The Greats, Latin Hymns, Non-English Hymns, Offices of the Breviary, Other Feast Days, Paris Breviary, Sts. Denis, Rusticus & Eleutherius (Oct. 9), Subsections of Breviaries, The Church Year, The Communion of Saints, The Holy Martyrs, The Liturgy of Hours/Breviary, The Liturgy of the Church, The Proper of Saints | Leave a comment

Regnator Orbis Summus Et Arbiter

This hymn was used as the hymn for Lauds on the Feast of the Holy Guardian Angels (October 2) in the Paris Breviary (1736 Edition).

Regnator orbis summus et arbiter,
Cui prona servit curia cælitum;
Quæ voce sola tu creasti,
Perpetua regis ipse cura.

Nobis fideles providus Angelos
Missos olympo suppeditas duces,
Qui nos tot obsessos periclis
Incolumes sine labe servent;

Ne nos malignis fraudibus occupet*,
Incauta fallat pectora subdolus
Suasor malorum; ne redemptam
Abripiat lanietque prædam.

Laus summa Patri, summaque Filio;
Tibique compar gloria, Spiritus,
Qui per salutis tot ministros
Das patrias remeare sedes. Amen.

Words: Fr. Jean-Baptiste de Santeul, 17th C.
Tune: Unknown
Meter: 11.11.9.10

*This word is “occupans” in Cardinal Newman’s Hymni Ecclesiae.

Here is the original text of this hymn from Fr. de Santeul’s Hymni Sacri et Novi of 1689:

Regnator orbis, summus et arbiter,
Cui prona servit curia cælitum,
Verbo creasti quæ magistro,
Perpetua regis ipse cura.

Nobis fideles providus Angelos
Missos olympo suppeditas duces,
Qui nos tot obsessos periclis
Incolumes sine labe servent;

Ne nos malignis fraudibus occupans,
Incauta fallat pectora subdolus
Suasor malorum, neve captet
Illecebra male blandienti.

Laus summa Patri, summaque Filio;
Tibique compar gloria, Spiritus,
Qui per salutis tot ministros
Das patrias remeare sedes.

Posted in Breviaries, Chant Tone Unknown, Hymns By The Greats, Jean-Baptiste de Santeul, Latin Hymns, Morning Prayer/Lauds, Non-English Hymns, Offices of the Breviary, Other Feast Days, Paris Breviary, Subsections of Breviaries, The Church Year, The Communion of Saints, The Holy Angels, The Holy Guardian Angels (Oct. 2), The Liturgy of Hours/Breviary, The Liturgy of the Church, The Proper of Saints | Leave a comment

Descende Cælo Te Michael Vocat

Cardinal Newman’s Hymni Ecclesiae of the 19th Century lists this as the hymn used  for Nocturns on the Feast of St. Michael and All Angels (September 29) in the Paris Breviary.

Descende cælo: te Michael vocat
Quæ festa terris te celebrat dies:
Ne vota spernas, Christianæ
Grande decus columenque gentis.

Adstas minister tu propior throno,
Mandata promptus Numinis exsequi,
Te qui fideles perstitere
Aligeri, duce gloriantur.

Illustre sit fas dicere prœlium;
Sit fas triumpho plaudere nobili
Quo dissipati perduelles
Æthereis cecidere regnis.

Movere bellum pacis in atriis
Insanus ardet Lucifer, et polo
Parare dementes ruinas
Atque Dei solio minari.

Invadit idem mille acies furor;
Fervent tumultu sidera: grandium
Dux magne bellorum, Tonantis
Iura datur tibi vindicare.

Hac fulguranti voce, Quis ut Deus?
Pellis superbos: strenuus impies
Vexare turmas, et rebelles
Perpetuis religare flammis.

Sit laus Parenti, qui creat Angelos;
Per quem triumphant gloria Filio:
Quo roborantur laus sit almo
Spiritui: tribus una semper. Amen.

Words: Anonymous, Paris Breviary, ca. 19th C.
Tune: Unknown
Meter: 11.11.9.10

Posted in Authorship Debated, Unknown, To Be Determined, Breviaries, Chant Tone Unknown, Latin Hymns, Major Feasts, Matins/Office of Readings, Non-English Hymns, Offices of the Breviary, Paris Breviary, SS. Michael, Gabriel & Raphael (Sept. 29), Subsections of Breviaries, The Church Year, The Holy Angels, The Holy Archangels, The Liturgy of Hours/Breviary, The Liturgy of the Church, The Proper of Saints | Leave a comment